Influencer (influenser) – sosial mediada daima aktiv şəkildə kontent hazırlayan və hazırladığı kontentə müəyyən maraq dairəsi olan kütləyə təsir göstərən şəxsdir. İnfluenserlər hər birimizin tanıdığı insanlar, aktyor, idmançılar, fərqli peşə sahibləri və ya sadəcə çoxsaylı izləyicisi olan şəxslər ola bilər. İnfluenser brendin bir növ siması olur, xidmət və ya məhsul haqqında təcrübələrini bölüşür. Bu təcrübələr xidmət və məhsul, onların keyfiyyəti, istifadəsi, qiymətləri və.s ilə bağlı ola bilər. İnfluenserin dilindən səslənən mesaj orijinal və onun dəsti-xəttini qoruyan kontent şəklində yayımlanır, sizin sizin məhsulun (xidmətin) təqdimatı qətiyyən klassik və klişe reklam kimi olmur. İnfluenser bir milyon izləyiciyə və ya sadəcə yüz nəfər izləyiciyə də sahib ola bilər. Burada əsas şərt həmin izləyicilərin bizim biznesimiz üçün nə dərəcədə hədəf müştərilər olmasıdır. Influenser sözünün dilimizdə tərcüməsi “rəy lideri”-dir. Azərbaycanda influenserlərin istifadə etdiyi əsas sosial media kanalları: Facebook, Instagram, Tik Tok və Youtube. Biz Brendlərlə onların hədəf kütləsini İnfluenserlər vasitəsilə birləşdiririk. Platformamızda hər bir layihənin hədəf auditoriyasına uyğun 40-dan çox kateqoriya mövcuddur. Bu kateqoriyaları daha rahat və tez idarə etmək üçün 10-dan çox filtr üzərindən axtarış verə bilərsiniz. Nəticədə, qısa müddətdə və asan şəkildə sizə ən uyğun hədəf auditoriyanı tapmaq mümkündür.
6 ildən çoxdur İnfluenser Marketinq üzrə fəaliyyət göstərən peşəkar komandamız isə hər an sizinlə əlaqədə ola bilir.